بدل الورق والإدخال اليدوي: الصيدلي يمسح الصنف، فيشوف فورًا العدد الفعلي ورصيد النظام والفرق. وفي الآخر تقرير جاهز بالعجز والزيادة وقيمتهم، حتى لو الفرع فضل يبيع أثناء الجرد.
صور من الأداة ببيانات تجريبية
العد بيتكتب على ورق وبعدين يتدخل على النظام، وده بياخد وقت وبيجيب أخطاء. والأصعب إن الفرع مش بيقفل: صنف يتعد وبعدين يتباع منه، فيطلع في التقرير عجز وهو مش عجز.
الأداة بتقرا رصيد الفرع من النظام مباشرة، وبتتابع كل حركة بعد عدّ الصنف: بيع، أو مرتجع، أو تحويل، أو استلام. فالفرق اللي يطلع في الآخر هو الفرق الحقيقي.
الصيدلي يدخل بحسابه في النظام، والأداة تعرف فرعه لوحدها. وبعدين يختار هيجرد إيه:
بالماسح أو بكاميرا الموبايل. مع كل مسحة يظهر الصنف، والعدد لحد دلوقتي، ورصيد النظام، والفرق. ولو الدوا قرّب يخلص تاريخه، يظهر تنبيه بالتشغيلة والصلاحية.
كل جهاز بيسجّل اسم اللي بيجرد والرف. والمسحات من كل الأجهزة بتتجمع في جرد واحد، وقايمة الأصناف المجرودة بتتحدث لوحدها كل 10 ثواني.
نسبة المطابقة، وقيمة العجز والزيادة بسعر البيع، وكل صنف بحالته: مطابق، أو عجز، أو زيادة، أو لم يُجرد، أو يحتاج إعادة عد. وينزل Excel أو يتطبع.
الرصيد الدفتري وقت العد = رصيد النظام الآن ناقص حركة المخزون بعد العد. فالصنف اللي اتعد واتباع يفضل مطابق.
لو الصنف اتحرك بين أول وآخر مسحة ليه، الأداة بتعلّم عليه بدل ما تحكم عليه غلط.
باركود GS1 اللي على علب الأدوية بيطلّع منه الصنف والتشغيلة وتاريخ الصلاحية.
بيتسجل في قايمة لوحده، وتقدر تربطه بالصنف بالاسم، ويطلع في ملف عشان يتضاف على النظام.
اكتب الكمية قبل المسح، أو اكتب 12* قبل الباركود. وفيه إضافة بالاسم للصنف اللي من غير باركود.
الأداة بتقرا من النظام وعمرها ما بتكتب فيه، ومجرّبة على أكتر من 40,000 صنف.
الملخص، وتفاصيل كل صنف وحركته بعد العد، وصلاحيات الأصناف المجرودة، والباركودات اللي محتاجة تتضاف، وسجل كل مسحة: مين مسحها، وإمتى، ومن أنهي رف.
